No corazón da Ribeira sacra
Unha oportunidade única de gozar da natureza na súa máxima expresión a só 20 minutos do centro de Ourense.
É hora de coñecernos
Como é Xunqueira de Espadanedo?
Xunqueira de Espadanedo é un concello situado na Ribeira Sacra ourensá, pertencendo á comarca de Allariz-Maceda. Cunha poboación lixeiramente superior aos 700 habitantes, unha gran parte da súa superficie atópase inmersa ou rodeada polas montañas do Monte Meda, dispoñendo de inmensas rutas habilitadas para sendeirismo e BTT, e co Mosteiro de Santa María como máximo representante do patrimonio cultural do Concello, o cal forma parte do grupo de conxuntos monacais que se extenden pola Ribeira Sacra.
Cal é a distancia respecto á cidade de Ourense?
Xunqueira de Espadanedo sitúase a pouco máis de 20 kilómetros do centro da cidade de Ourense, isto é, a 25 minutos en coche, aproximadamente. Esta proximidade permite compaxinar a vida na natureza e paisaxes idílicas da Ribeira Sacra cun traballo na cidade ou polígonos industriais máis destacados da zona.
Existe unha boa cobertura de Internet / fibra?
Xunqueira de Espadanedo posúe acceso a fibra na meirande parte do territorio. Ademáis, recibiu recentemente cobertura 5G en diferentes aldeas do Concello, posuíndo o resto de termos unha conectividade mínima de 4G+ ou 4G.
